Иахьа Аҧсны Аҳәынҭқарра Ахада Аслан Бжьаниа Москватәи жәларбжьаратәи аизыҟазаашьақәа рзы аҳәынҭқарратә институт аполитологиа акафедра апрофессор Андраник Миграниан дидикылеит.
.
Аганқәа азҵаарақәа жәпакы ирылацәажәеит, Кавказтәи арегион аҟны иҟоу аҭагылазаашьа, аҧсны-урыстәылатәи аизыҟазаашьақәа уҳәа азҵаарақәа надкыланы.
Аиҧылара иалахәын Аҧсны Ашәарҭадара Ахеилак амаӡаныҟәгаҩ Сергеи Шамба, Аԥсны ажурналистцәа Реидгыла ахантәаҩы Руслан Ҳашыг.