Аҧсны Аҳәынҭқарра Ахада

 

Ахада Аурыс драматә театр 40 шықәса ахыҵра амш азы адныҳәалара ҟаиҵеит

07.09.2021

Аҧсны Аҳәынҭқарра Ахада Аслан Бжьаниа Аурыс драматә театр 40 шықәса ахыҵра амш азы аколлектив дрыдиныҳәалеит.

«Гәык-ԥсык ала ишәыдысныҳәалоит Ф.А. Искандер ихьӡ зху Аҳәынҭқарратә аурыс драматә театр аԥҵоижьҭеи 40 шықәса аҵра амш.

Аурыс драматә театр – зҭоурых иналукааша аартрақәеи, хашҭшьа змам аспектакльқәеи, иҿымцәаауа рҿиаратә гәазыҳәаралеи иҭәу культуратә ҭынханы иҳамоуп.  
Иахьагьы жәашықәса раԥхьеиԥш, Аурыс драматә театр аҟазара иҳараку аестетикатә идеалқәа еиламгакәа, убри аан ҳазҭагылоу аамҭагьы аҽақәыршәаны, иҿыцу асахьаркыратә аартрақәа хырхарҭас ишьҭнахит.

Рыцҳарас иҟалаз, атеатр, егьырҭ акультуратә усҳәарҭақәа зегьы реиԥш, аԥкрақәа ирыниеит, аха ари аамҭалоуп. Агәра згоит ҳамч зегьы еилаҵаны апандемиа аиааира шҳалшо, акультуреи аҟазареи аусзуҩцәа Аԥсны аизҳазыӷьара иазку рылшарақәа рынагӡаразы алшара шроуазы.  

Ари аныҳәамш аҽны, акыр иаԥсоу аҩызцәа, агәабзиара, ачҳара, еицакра зқәым арҿиара, аихьӡарақәа, анасыԥ, ахирра.».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org