Аҧсны Аҳәынҭқарра Ахада

 

А.Кәыҵниа напхгара ззиуа аделегациа Нижни Новгород 800 ш. ахыҵра иазку аныҳәатә усмҩаҧгатәқәа ирылахәуп

21.08.2021

А.Кәыҵниа напхгара ззиуа аделегациа Нижни Новгород 800 ш. ахыҵра иазку аныҳәатә усмҩаҧгатәқәа ирылахәуп

Ахада Иусбарҭа Анапхгаҩы Алхас Кәыҵниа Аҧсны Аҳәынҭқарра аофициалтә делегациа напхгара азиуеит Нижни Новгород 800 ш. ахыҵра иазку аныҳәатә усмҩаҧгатәқәа рыҟны.

Аделегациа аилазаараҿы иҟоуп Ахада Иусбарҭа Анапхгаҩы ихаҭыҧуаҩ Зураб Қаџьаиа, адәныҟатәи аусқәа рминистр Даур Ақаҩба, Гагра араион Администрациа ахада ихаҭыҧуаҩ Алхас Барцыц, Пицунда ақалақь Администрациа ахада Руслан Хәынҵариа.

Аҧснытәи аделегациа аиубилеитә ныҳәа иалахәуп Нижегородтәи аобласт агубернатор Глеб Никитин иҟаиҵаз ааҧхьарала.

Ац. Алеқсандр Невски ихьӡ зху акафедралтә ныха архиреитә резиденциаҿы имҩаҧысит Ахада Иусбарҭа анапхгаҩы Алхас Кәыҵниеи Нижегородтәи амитрополиа Ахада, Аурыс иашахаҵаратә ныха аепископ амитрополит Гьаргьи реиҧылара.
Кәыҵниа ҳамҭас амитрополит ианеишьеит аҧсышәала иҩу Ауасиаҭ Ҿыц.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org