Аҧсны Аҳәынҭқарра Ахада

 

Имҩаԥысит Аԥсны Ахадеи Алада Уаԥстәыла Ахадеи реиԥылара

07.08.2021

Имҩаԥысит Аԥсны Ахадеи Алада Уаԥстәыла Ахадеи реиԥылара

Алада Уаԥстәыла Ахада Иадминистрациаҟны имҩаԥысит Аслан Бжьаниеи Анатоли Бибилови реиԥылара.

Аԥснытәи аделегациа Алада Уаԥстәыла иаҭааит хымштәи официалтә визитла 2008 шықәса нанҳәамзазтәи ахҭысқәа ргәаларшәара иазку аусмҩаԥгатәқәа рыҽрылархәразы.

Ари аҳәынҭқарра Ахада Алада Уаԥстәылаҟа иҟаиҵаз раԥхьатәи официалтә визитуп.

«Алада Уаԥстәылеи Аԥсни рыжәларқәа ашәышықәсақәа раахыс аиҩызара рыбжьоуп. Иҭабуп ҳәа шәаҳҳәоит ақырҭуа агрессиа аналагаз аахыс жәаха шықәса аҵра аламҭалазы ҳреспублика шәахьаҭааз, алахьеиқәра ду зцу ари амш аҽны ҳҩызцәа ҳадгыларц азы иахьаҳзаауа – ҳара ҳзы акыр иаԥсоуп» - иҳәеит Алада Уаԥстәыла Ахада, асасцәа аԥсшәа раҳәо.Уи иаҵшьны иҳәеит аиԥылараан азҵаарақәа жәпакы ирылацәажәараны ишыҟоу, ҩ-республикак реизыҟазаашьақәа рырҿиареи рырӷәӷәареи убрахь иналаҵаны.
.
«Арҭ ашықәсқәа зегьы шәаргьы ҳаргьы ҳзынио апроблемақәа еиԥшуп. Мҩакы ҳаицанысуеит. Убри аҟнытә ҳажәа еимаданы, ҳаиқәшаҳаҭны имҩаԥаҳго аусура аҵак ду амоуп ҳхықәкқәа рынагӡаразы, уи Алада Уаԥстәылеи Аԥсни рыжәларқәа реизҳазыӷьара иазкуп»,– иҳәеит Аԥсны Ахада.

А. Бжьаниа Алада Уаԥстәыла ажәлар ирзеиӷьеишьеит аҿиара, аизҳазыӷьара, аҭынчра.

Аиԥылара ахыркәшамҭаз агәаларшәагатә ҳамҭақәа еимырдеит.

Анаҩс аиԥылара мҩаԥысит инарҭбааны Аԥсны аделегациа алахәцәеи аладауаԥстәылатәи агани аалархәны.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org