Аҧсны Аҳәынҭқарра Ахада

 

Аслан Бжьаниа аӡы иагоз аԥҳәыси ахәыҷи еиқәзырхаз Леон Барцыц дидикылеит

22.07.2021

Аслан Бжьаниа аӡы иагоз аԥҳәыси ахәыҷи еиқәзырхаз Леон Барцыц дидикылеит


Аԥсны Аҳәынҭқарра Ахада Аслан Бжьаниа рашәарамза 13 рзы Гәдоуҭа амшын аҟны   аҧҳәыси ахәыҷи еиқәзырхаз Леон Барцыц дидикылеит. Аиҧылара далахәын  Леон иаб, Милтон Барцыц.

Аҳәынҭқарра Ахада Леон Барцыц иаб иҭабуп ҳәа еиҳәеит.

"Ҳаибадырра сеигәырӷьоит. Иҭабуп ҳәа шәасҳәарц сҭахуп абас еиҧш арҧыс бзиа дахьышәааӡаз. Иара дышқәыҧшугьы, аду еиԥш ихы мҩаԥигеит.
Ихьӡ бзианы инарылаҩит Аҧснеиҧш, Урыстәылагьы. Ауаҩы деиқәурхарц азы агәаӷьреи агәымшәареи аҭахуп. Абарҭқәа зегьы Леон иааирҧшит", - иҳәеит Ахада.

Аҳәынҭқарра Ахада 17 ш. зхыҵуа Леон изеиӷьеишьеит анасыҧ, аԥхьаҟагьы аихьӡарақәа.

"Уара умшәакәа арыцҳара иақәшәаз  ауаа ацхыраара ахьруҭаз аҿар рзы ҿырҧшыга бзианы иҟалароуп. Аԥхьаҟагьы аихьӡарақәа узеиӷьасшьоит", - иҳәеит Аслан Бжьаниа.

Леон Барцыц атәыла Ахада изеиҭеиҳәеит амшын аҟны иӡааҟәрылоз аҧсшьаҩцәа реиқәырхара шилиршаз атәы.

Аиҧылара ахыркәшамҭаз Аслан Бжьаниа Леон ианеишьеит аџьшьаратә шәҟәи аҧаратә ҳамҭеи, иара убас  арҧыс агәыӷра ииҭеит Москва ақ. Афинанстә университет аҭалараҟны ацхыраара шииҭо азы.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org