Аҧсны Аҳәынҭқарра Ахада

 

Имҩаҧысит Ахадеи Абыргцәа рхеилаки реиҧылара

12.07.2021

Аҧсны Аҳәынҭқарра Ахада Аслан Бжьаниа Аҧсны абыргцәа рхеилак алахәцәа дырҧылеит. "Ҳазлацәажәараны, иҳаӡбраны иҟоу азҵаарақәа маҷым. Шәгәаанагара аилкаара сара сзы акраҵанакуеит. Шәара шәҧышәеи шәлагаламҭеи азин ҳарҭоит шәажәа азыӡырҩра. Ҳара абыргцәа рхеилак ргәаанагареи рыхшыҩи ҳақәныцәароуп ҳазыӡырҩыроуп, уи ҳҳәынҭқарразы акыр ицхыраагӡахоит", - иҳәеит Ахада.

Аҧсны Абыргцәа рхеилак аиҳабы Апполон Думаа иазгәеиҭеит, рхеилак аҳәынҭқарра аизҳазыӷьаразы, аҿиаразы аусура ишазхиоу, еиуеиҧшым аполитикатә мчрақәа рыбжьара аконструктивтә еиҿцәажәара аҭахны ишырыҧхьаӡо. "Ахеилак алахәцәа иарбан  политикатә партиазаалак иалаӡам.  Ус иҟпмлароуп. Ҳарҭ еснагь аиаша ҳадгылоуп,  атәылаҿы  аҭышәынтәылара ыҟазарц ҳҭахуп. Ахеилак еиуеиҧшым аполитикатә ганқәа рыдгылара ахәҭам, аха аоппозициеи атәыла анапхгареи рыбжьара аконструктивтә еиҿцәажәара амҩаҧгара иазкызароуп", - иҳәеит иара.

Аиҧылара алахәцәа Ареспубликаҟны иҟоу ауаажәларра-политикатә ҭагылазаашьа иалацәажәеит. Аҳәынҭқарра Ахадеи ахеилак ахаҭарнакцәеи иазгәарҭеит ас еиҧш иҟоу аиҧыларақәа аҧхьаҟагьы ишхымҧадатәиу.

Аиҧылара ихы алаирхәит Ахада Иадминистрациа Анапхгаҩы Алхас Кәыҵниа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org