Аҧсны Аҳәынҭқарра Ахада

 

Ахада Аҭагылазаашьа ҷыдақəа рзы аминистрра ахатəы еилазаара дрыдныҳәалеит

04.07.2021

Аҧсны Аҳəынҭқарра  Ахада Аслан Бжьаниа Аҭагылазаашьа ҷыдақəа рзы аминистрра ахатəы еилазаара дрыдныҳәалеит.

  “Ҳаҭыр зқəу аҩызцəа!

Ишəыдысныҳəалоит Аҧсны ахьчаратə усбарҭа аҧҵоижьҭеи 15 шықəса аҵра.

Ари аиубилеитə мшы аҽны гəыла-ҧсыла аҧсшəа расҳəоит иҧшьоу, аҭакҧхықəра зцу аусура зыԥсҭазаара азызкыз Аҧсны ахьчаҩцəа, амцарцəаҩцəа, Аҭагылазаашьа ҷыдақəа рзы аминистрра аусзуҩцəа зегьы.

Шəара даара аҵак ду змоу аус шәнапы иануп. Ари апрофессионалтə зыҟаҵара анаҩсгьы, ҷыдала, хаҭалатәи агəаҕьра амазаарагьы шəыднаҵоит. Шəара, зны-зынла шəыҧсҭазаара ашəарҭара ишҭагылогьы, арыцҳара иақəшəаз ауаа раҧхьа шəырҭаауеит. Хамеигӡарада имҩаԥыжәго аусура иабзоураны ҳауаажəлар раҳаҭыр шəаҧсахеит.

Гəахəарыла иазгəасҭоит аусбарҭа анапхгара активла аусура шымҩаҧнаго Аҭагылазаашьа ҷыдақəа рзы аминистрра аусзуцəа рыпофессионалтə ҩаӡара ашьҭыхразы.

Атəыла анапхгара ҷыдала зҿлымҳара анаҭалоит Аҭагылазаашьа ҷыдақəа рзы аминистрра техникала аиқəыршəара, ахьчаратə усбарҭазы зҧышəа ҳараку аспециалистцəа разыҟаҵара азҵаарақәа.

Ҳаҭыр зқəу ахьчаҩцəа! Имариам, ҳаҭыр зқəу шəус аҟны ишəзеиҕьасшьоит аихьӡарақәа, агəабзиара, агəамч, шәҭаацəарақәа рыҟны аизҳазыӷьара”.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org