Аҧсны Аҳәынҭқарра Ахада Аслан Бжьаниа Иусԥҟала Константин Озган "Ахьӡ Аҧша" аорден I аҩаӡара ианашьоуп (иҧсҭазаара даналҵ ашьҭахь).
Аусԥҟа атекст аҟны, ҷыдала, иазгәаҭоуп:
"Аҧсны Аҳәынҭқарра аҿаҧхьа илшамҭа ҷыдақәеи, амилаҭ-хақәиҭратә ҵысра аҟны илагалақәеи рзы ОЗГАН Константин Константин-иҧа ианашьазааит "Ахьӡ-Аҧша" аорден I аҩаӡара (иҧсҭазаара даналҵ анаҩс)".
Иахьа Константин Озган диижьҭеи 82 шықәса ҵит.