Аԥсны Аҳәынҭқарра Ахада Аслан Бжьаниа Приднестровиатәи Молдавиатәи Ареспублика Ахада Вадим Красносельски иирамш идиныҳәалеит.
Адныҳәаларатә цҳамҭаҿы иҳәоуп:
"Ҳаҭыр зқәу Вадим Николаи-иԥа!
Гәык-ԥсык ала ишәыдсныҳәалоит Шәирамшы.
Шәыпрофессионализм ҳаракы, шәыпринципра, зегь реиҳа иуадаҩу аусқәа лыҵшәа рыманы рынагӡара ахьшәылшо иабзоураны аҳаҭыр ду шәаԥсахеит.
Шәара ишәылшо зегьы ҟашәҵоит шәтәылауаа рыԥсҭазаара аиӷьтәразы.
Иахьа Приднестровиа ахырхарҭақәа зегь рыла аҿиара бзиа амоуп.
Ҳтәылақәа рыбжьара аиҩызаратә еизыҟазаашьақәа қәҿиарала аҿиара амҩа иануп, есааира аҿыцрақәа рыла ихаҭәаауеит.
Агәра згоит, иҳабжьоу аимадара аԥхьаҟагьы ишаӷәӷәахо, уи ҳажәларқәа рзы хра злоу акакәны ишыҟало.
Азин сышәҭозар, ҳаҭыр зқәу Вадим Николаи-иԥа, ишәзеиӷьасшьарц сҭахуп агәабзиара, агәамч, аизҳазыӷьара, аҳәынҭкарратә маҵзураҿы аихьӡарақәа".
--