Аслан Бжьаниа Алексеи Двинианин Имшира идиныҳәалеит.

Аслан Бжьаниа Алексеи Двинианин Имшира идиныҳәалеит.

Аԥсны Аҳәынҭқарра Ахада Аслан Бжьаниа Аԥсны Аҳәынҭқарраҟны иҟоу Урыстәылатәи Афедерациа Ацҳаражәҳәаҩ Алексеи Двинианин Имшира идиныҳәалеит.  

Адныҳәаларатә текст аҟны иҳәоуп:

«Гәык-ԥсыкала ишәыдысныҳәалоит Шәымшира!

Шәара шәгәамч, шәус азнеишьа аԥышәа змоу адипломат, аҳәынҭқарратә усзуҩы ихаҿсахьа аанарԥшуеит.  
Аԥсны Аҳәынҭқарраҟны иҟоу Урыстәылатәи Афедерациа Ацҳаражәҳәарҭа Шәара шәнапхгарала аԥсны-урыстәылатәи аизыҟазаашьақәа рырӷәӷәара аус аҟны алагаламҭа дууп.    

Еиуеиԥшым аусхқәа рыҟны ҳтәылақәа русеицура есааира иҿиоит, уи, ҳәарада, Шәара ишәыбзоуроуп.

Ҳаҭыр зқәу Алексеи Аркади-иԥа, ишәзеиӷьасшьар сҭахуп агәабзиара, аҭынчра, акрызҵазкуа адипломатиатә миссиаҟны аихьӡарақәа».


Возврат к списку