18.11.2020
Аԥсны Аҳәынҭқарра Ахада Аслан Бжьаниа зыҧсҭазаара иалҵыз иналукааша аԥсуа ҵарауаҩ Ҭеимураз Ачыгәба иԥсҭазаара иалҵра инамаданы иуацәеи иҭынхацәеи дрыдышшылеит.
Адышшыларатә текст аҟны иҳәоуп:
"Гәалсрала срыдышшылоит иналукааша аҭоурыхҭҵааҩ, аетнолог, ауаажәларратә усзуҩы Ҭеимураз Ачыгәба иуацәеи иҭынхацәеи.
Аҧсны аҭоурых аҭҵаараҿы, Аԥсны Анаукақәа ракадемиа ашьақәгылараҿы Ҭеимураз Али-иҧа илагала аҵак ду амоуп.
Цәыӡ дууп Аҧсны аҭҵаарадырразы аҵарауаҩ иԥсра.
Ҭеимураз Ачыгәба ихьӡ иахьатәи Аԥсуа ҳәынҭқарра аҭоурых аҟны ахатә ҭыԥ ааннакыоит. Наунагӡа ҳгәалашәараҟны даанхоит.
Иԥсаҭа бзиахааит".
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
