30.09.2020
Цәыббрамза 30 рзы Аҧсны Аҳәынҭқарра Ахада Аслан Бжьаниа Аиааиреи Ахьыҧшымреи рымш аҽны Аҟәа, Ахьӡ-Аҧша апарк аҟны ашәҭшьҭаҵара иазку аныҳәатә усмҩаҧгатә далахәын.
Аусмҩаҧгатә иалахәын Аҧсны Жәлар Реизара – Апарламент Аиҳабы Валери Кәарҷиа, Апарламент адепутатцәа, Аиҳабыра алахәцәа, Аҧсны иҟоу Урыстәыла Ацҳаражәҳәаҩ Алексеи Двинианин, Алада Уаҧстәыла Адәныҟатәи аусқәа рминистр Дмитри Медоев, «Аҧсны анацәа аҭынчреи асоциалтә қәнагеи рзы» аиҿкаара ахаҭарнакцәа, аибашьра аветеранцәа, хатәгәаҧхаралатәи аибашьцәа.
Аҳәынҭқарра Ахада, Аиҳабыра, Аҧсны Аџьынџьтәылатә еибашьра аветеранцәа, ауаажәларра ахаҭарнакцәа ашәҭшьыҵәрақәа шьҭарҵеит Актәи Ахада Владислав Арӡынба Имемориал амҵан Алада Ешыра ақ., Аҩбатәи Ахада Сергеи Багаҧшь инышәынҭраҟны Џьгьарда ақ.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
