Аԥсны Аҳәынҭқарра Ахада Аслан Бжьаниа Урыстәылатәи Афедерациа Аҳәынҭқарратә Дума адепутат Александр Каролин Иира амш идиныҳәалеит.
Адныҳәаларатә цҳамҭаҟны иҳәоуп:
Ҳаҭыр зқәу Александр Александр-иҧа!
Гәык-ҧсыкала ишәыдысныҳәалоит Шәирамш! Шәара шәыҧсҭазаара зегьы Аҧсадгьыл амаҵуразы ҿырҧшыга бзиоуп. Жәларбжьаратәи аренаҟны шықәсырацәала Урыстәыла ахьӡ ҭызго аспортсмен бзиа, Шәара шәеихьӡарақәа ирызгәдууп шәџьынџьуаа. Политикатә усузҩык иаҳасабала Шәара зтәыла аинтересқәа зыхьчо патриот дууп.
Аҭагылазаашьа схы иархәагы, иҭабуп ҳәа шәасҳәоит ҳтәыла иашәҭо адгыларазы.
Ҳаҭыр зқәу Александр Александр-иҧа, абри амш аҽны ишәзеиҕьасшьар сҭахуп агәабзиара, аихьӡара ҿыцқәа Урыстәыла ахьӡала!