Ахада Аусҧҟа инапы аҵаиҩит Инал Габлиа Аҵареи абызшәатә политикеи рминистрс иаҭаразы

Аҧсны Аҳәынҭқарра Ахада Аслан Бжьаниа Аусҧҟа инапы аҵаиҩит Габлиа Инал Соломон-иҧа Аҵареи абызшәатә политикеи рминистрс иаҭаразы.





Габлиа Инал Соломон-иҧа диит 1991 шықәса ҧхынгәымза 7 рзы Аҧснытәи АССР Очамчара араион Тамшь ақыҭан.

2008ш. далгеит Москватәи абжьаратәи ашкол № 1259;

2008 – 2013 шш. – аҵара иҵон Амилаҭтә ҭҵааратә университет «Иреиҳаӡоу аекономика ашкол» «адәныҟаекономикатә усура аҳәаақәҵара» азанааҭ ала;

2010 – 2011 шш. Амилаҭтә ҭҵааратә университет «Иреиҳаӡоу аекономика ашкол» аҧышәахысҩы-аҭҵааҩы;

2012 – 2014 шш. – Аҵараиуратә центрқәа рфедералтә каҭақәа «Иуниум» «Алидеррра атехнологиақәа» ркурс ала азыҟаҵаҩ;

2013 – 2015 шш. – аспециалист, АЕ «УрысГидро Интернешинл АГ», афилиал Москва ақ. аҟны,
аинвестициа-техникатә хәшьаразы иналукааша аспециалист;

2016 ш. инаркны иахьа уажәраанӡа – Москва ақ. ЗҲӘА «Аргыларатә Еилахәыра Мегаполис» анџьныр-аекономист;

2018 ш. инаркны иахьа уажәраанӡа аҧсуа бызшәазы онлаин-школ «Алашарбага» адиректор.

Дҭаацәараӡам.


Возврат к списку