Аҧсны Аҳәынҭқарра Ахада инапынҵақәа назыгӡо «Аҧхьагылаҩцәа ҿарацәа реицлабра «Аҧсны агәадура» Аҧҟареи Аиҿкааратә еилакы аилазаарази рзы Аусҧҟа инапы аҵаиҩит.
Аҧсны Аҳәынҭқарра Ахада инапынҵақәа назыгӡо «Аҧхьагылаҩцәа ҿарацәа реицлабра «Аҧсны агәадура» Аҧҟареи Аиҿкааратә еилакы аилазаарази рзы 2020 ш. жәабранмза 19 аҟн. Аусҧҟа №46 инақәыршәаны ишьақәырҕәҕәазааит:
1. Аҧхьагылаҩцәа ҿарацәа реицлабра «Аҧсны агәадура» амҩаҧгаразы Аҧҟара (Аҧшьы №1).
2. Аҧхьагылаҩцәа ҿарацәа реицлабра «Аҧсны агәадура» амҩаҧгаразы акомиссиа аилазаара. (Аҧшьы № 2).
3. Аҧхьагылаҩцәа ҿарацәа реицлабра «Аҧсны агәадура» Аиҿкааратә еилакы аилазаара. (Аҧшьы № 3).
Аҧшьы № 1
Аҧсны Аҳәынҭқарра Ахада 2020 шықәса хәажәкырмза «10» аҟн., №58 Иусҧҟала ишьақәырҕәҕәоуп
АҦҞАРА
Аҧхьагылаҩцәа ҿарацәа реицлабра «Аҧсны агәадура» амҩаҧгара иазку
1. Азеиҧш ҧҟарақәа
1.1. Абри Аҧҟара ишьақәнаргылоит Аҧхьагылаҩцәа ҿарацәа реицлабра «Аҧсны агәадура» (анаҩс - Аицлабра) ахықәкы, аҳасабтәқәа, иалахәхараны иҟоу ркатегориақәа, 2020-021 шш. рзы иара амҩаҧысшьа аҧҟарақәа.
1.2. Аицлабра аофициалтә интернет-саит: http://gordostabkh.org (анаҩс - Асаит).
1.3. Аицлабра аофициалтә бызшәаны иҟоуп аҧсуа бызшәеи аурыс бызшәеи.
2. Аицлабра ахықәки аҳасабтәқәеи
2.1. Аицлабра хықәкыс иамоуп аҧхьагыларатә ҟыбаҩ, аҧшьгаратә ҟазшьақәа злоу, абаҩхатәра злоу аҿар ралҧшаареи адгылара рыҭареи.
2.2. Аицлабра ҳасабтәқәас иамоуп:
1) алахәцәа аҧхьагылаҩ ихаҭашьатә ҟазшьақәа рылааӡара, анапхгара аусхк иазку адыррақәа рыҭара.
2) иалахәу рыбжьара аҧышәеимдаразы акоммуникациатә лшарақәа раҧҵара, аҧхьаҟа реизҳареи иреиҕьу аҧышәақәа рыларҵәареи рзы ацхыраара рыҭара.
2.3. 2.3. Аицлабра амҩаҧгара шьаҭас иамоуп абарҭ апринципқәа:
а) аартра;
б) аобиективтәра;
в) аиашара.
3. Аицлабра алахәцәа
3.1. Аицлабра аҽалархәразы иаҭаху:
а) Аҧсны Аҳәынҭқарра атәылауаҩра;
б) ақәра 35 шықәса иреиҳамкәа;
в) иреиҳаӡоу азанааҭтә ҵара мамзаргьы изылгам иреиҳаӡоу азанааҭтә ҵара, иреиҳаӡоу аҵараиурҭа аҵыхәтәантәи акурс аҟны ибзианы аҵара.
4. Аицлабра алахәцәа рыхә ашьара апринципқәа
4.1. 4.1. Алахәцәа рыхә ашьара ашәага-загас иҟоуп Аицлабра адҵақәа рынагӡараан рзеиҧш дыррақәа, ринтеллектуалтә лшарақәа, рнапхгаратә ҟыбаҩ, аҧхьагыларатә ҟазшьақәа аарҧшышьас ирырҭо.
4.2. Аицлабраан алахәцәа адҵақәа нарыгӡоит, иеизакны рыхә шьахоит рзеиҧш дыррақәа, ринтеллекттә лшарақәа, рнапхгаратә ҟыбаҩ, ирымоу аҧхьагыларатә ҟазшьақәа (авидео-ессе анҵамҭа, атест рахыжьра, анапхгаратә хәмаррақәа, аиҿцәажәарақәа, апроект ацәыргара уҳәа уб.егь.).
Адҵақәа рынагӡара иазку алҵшәақәа рыла алахәҩы иоуеит хаҭалатәи иреитинг аҵакы шьақәзыргыло абаллқәа.
4.3. Аицлабра ахәҭацыҧхьаӡа раан аицлабра иалахәу иреитинг ҧасатәи ибаллқәа рыцлоит (ишьақәгылоит еизаку ареитинг).
4.4. Аицлабра ахәҭақәа зегьы рыҟны аиааира ргеит ҳәа иҧхьаӡахоит зреитинг аҵакы еиҳаны изауаз.
5. Аицлабра ахәҭақәеи иара амҩаҧгара аҧҟарақәеи
5.1. Аицлабратә ҧышәарақәа мҩаҧысуеит Аҧснытәи аҳәынҭқарратә университет ашьаҭала абри Аҧҟара иазҧхьагәанаҭо аҧҟарақәа рықәныҟәарала:
5.2. Аицлабра шьақәгылоит абарҭ ахәҭақәа рыла:
1) Аицлабра 1 ахәҭа – аҽҭаҩра, арезиумеи (ахцәажәа-ркьаҿ) авидео-ессеи «2030 шықәсазы Аҧсны сара ишызбо» атемала, 3 минуҭк ирҭагӡаны.
Авидео-ессе аҟны аицлабра иалахәу ахцәажәоит Аҧсны Аҳәынҭқарра асоциалтә-економикатә ҿиара ахырхарҭа хадақәеи иззыҧшу алҵшәақәеи (ауаҩытәҩсатә капитал, ауааҧсыра рыҧсҭазаашьа аҩаӡара, аҭҵаарадырра, атехнологиақәеи арҿыцрақәеи, ааглыхратә инфраструктуреи, агроааглыхратә комплекс, адәныҟаекономикатә усура аҿиаразы иҟоу алшарақәа) ахықәкқәеи амеханизмқәеи акономикеи асоциалтә усхки рыҟны, ирҳәоит адәныҟатәи аполитикаҟны аихьӡара змоу аусура аиҿкааразы ргәаанагара.
Авидео-ессе. Алахәцәа ррезиумеи рвидеои Аицлабра алектронтә почтахь идәықәырҵоит.
Аицлабратә комиссиа алахәцәа дарбанзаалак рвидеои ррезиумеи ахәшьара ишьақәыргылоу аҧара инақәыршәаны.
1 ахәҭа алҵшәақәа рыла ишьақәгылоит аконкурс алахәцәа раҧхьатәи рреитинг.
2) Аицлабра 2 ахәҭа - иаку анапхгаратә тест, хаҭалатәи аиҿцәажәара рахысра.
Аицлабра 1 ахәҭа ахысра алҵшәақәа рыла ахәҭахьы ииасуеит 50-ҩык.
Иаку анапхгаратә тест, хаҭалатәи аиҿцәажәара атемақәа, иара убас урҭ рымҩаҧгара аҧҟарақәа шьақәынарҕәҕәоит Аицлабратә комиссиа.
Иаку анапхгаратә тести хаҭалатәи аиҿцәажәареи рахысра ахә ашьоит Аицлабратә комиссиа ишьақәыргылоу аҧара инақәыршәаны.
2 ахәҭа алҵшәақәа рыла ишьақәгылоит аконкурс алахәцәа аҩбатәи рреитинг.
3) Аицлабра 3 ахәҭа – ахыркәшара (афинал).
Ахыркәшара мҩаҧысуеит анапхгаратә (акомандатә) хәмарреи дарбанзаалак афиналист иазирхиаз Аҧсны Аҳәынҭқарра аҿиара апроект ацәыргара (хазы игоу хырхарҭак).
Афинал иалахәхоит 25-ҩык аицлабра алахәцәа, Аицлабра 2 ахәҭаҟны аиааира згаз.
Анапхгаратә (акомандатә) хәмаррақәа рымҩаҧгара, иара убас Аҧсны Аҳәынҭқарра аҿиара апроект цәыргақәҵара аҧҟарақәа шьақәырҕәҕәахоит Аицлабратә комиссиа ала.
Анапхгаратә (акомандатә) хәмарра аҽалархәреи Аҧсны Аҳәынҭқарра аҿиара апроект цәыргақәҵара ахәшьара рынаҭоит Аицлабратә комиссиа ишьақәыргылоу аҧара инақәыршәаны.
Аицлабра 3 ахәҭа анхыркәшаха Асаит аҟны бжьымшы рыҩныҵҟа имҩаҧысуеит онлаин бжьыҭира.
Аицлабра алахәҩы изку аихшьалатә реитинг шьақәгылоит Аицлабратә комиссиа ахәшьареи (70%) онлаин бжьыҭира алҵшәақәеи (30%) рыла. Аихшьалақәа рыҟаҵара аҧҟара шьақәнаргылоит Аицлабратә комиссиа.
Аихшьалатә реиҭинг алҵшәақәа рыла иалкаахоит аиааира згаз 5-ҩык.
5.3. Аицлабра аҽалархәразы аҿахәҳәага алаҵаразы иаҭахуп асаит аҟны аелектронтә шәҟәҭагалара. Аелектронтә шәҟәҭагаларазы аелектронтә зхьарҧш Асаит аҟны иарбоуп.
5.4. Асаит аҟны аҽҭаҩрала Аицлабра алахәҩы ишьақәирҕәҕәоит абри Аҧҟара дшаҧхьаз, ишидыруа, дшазыразу, иара убас хаҭалатәи ирбагақәа аус рыдулара, ивидео-аудиоматериалқәа рхархәара дшазыразу шьақәирҕәҕәоит.
5.5. Алахәцәа аҽҭаҩраан иадырбароуп иҵабыргу аинформациа уи актуалрагьы иахылаҧшлароуп Аицлабра мҩаҧысуанаҵы. Иҵабыргым аинформациа арбара алахәҩы Аицлабрахь инамышьҭразы ҵаҵҕәны иҟалоит. Аоператор азин имоуп алахәҩы анкетаҟны иаирбаз арбагақәа рышьақәырҕәҕәара идҵара, алахәҩцәа мамзаргьы ахҧатәи ахаҿқәа електронтә почтала ма ҭелла иҽрымаданы.
5.6. Аицлабра иалахәу дарбанзаалак Аицлабрахь аҽҭаҩра знык мацароуп ианилшо. Хаҿык знык еиҳаны иҽҭаиҩыр ҟалаӡом.
5.8. Аицлабра афиналистцәеи аиааира згази рзы аҧхьахәқәеи аҳамҭақәеи.
1). Аицлабраҟны аиааира згаз:
- Аҧсны Аҳәынҭқарра Ахада иҟнытә ҷыдалатәи амедаль «Аҧсны Агәадуреи» аџьшьабҕьыци ранеишьоит;
- иранашьахоит аҧаратә ҳамҭа;
- Аҧсны Аҳәынҭқарра амчрақәа рахь аусуразы инаҧхьахоит ркандидатура амаҵурахьы анеиразы Аҧсны Аҳәынҭқарра азакәанҧҵара аҭаххарақәа ирықшәозар.
- аҳәынҭқарратәи ауаажәларратәи усзуҩцәа рхыҧхьаӡараҟнытә абжьгаҩ дроуеит. Абжьгаҩ (амҩақәҵаҩ) аиааира згаз русура ахылаҧшра мҩаҧыргоит урҭ зыдҵоу аҳәынҭқарратә усзуҩцәа рхыҧхьаӡараҟнытә мызкы аҩныҵҟа хынтә иреиҵамкәа. Абжьгаҩ дрыҭахоит Аицлабратә комиссиа ала.
2). Аицлабра афиналистцәа раҧхьа иргыланы ишьақәыргылоу аҧҟара инақәыршәаны уи аҧҵараан Аҧсны Аҳәынҭқарра Акадртә резерв иалаҵахоит, иара убас Урыстәылатәи Афедерациа иреиҳаӡоу аҵараиурҭақәа рыҟны аквалификациа аизырҳаразы апрограмма ахысразы алшара роуеит.
6. Аицлабра амҩаҧгаразы акомиссиа
6.1. Аицлабра амҩаҧгаразы Акомиссиа (анаҩс- Аицлабратә комиссиа) аҧҵахоит Аицлабра аихшьалақәа рыҟаҵареи Аицлабраҟны аиааира згаз ралкаарази.
6.2. Аицлабратә комиссиа алахәцәаны иҟалар рылшоит аҧышәа змоу аҳәынҭқарратәи ауаажәларратәи усзуҩцәа, аҵарауаа.
Аицлабратә комиссиа хаҭалатәи аилазаара шьақәирҕәҕәоит Аҧсны Аҳәынҭқарра Ахада.
6.3. Аицлабратә комиссиа инанагӡоит абарҭ афункциақәа:
1) Аицлабра иалахәу Аицлабра ахәҭақәа зегьы рыҟны ахәшьара рнаҭоит, Аицлабра ралархәразы алахәцәа ррезиумеи рвидео-ессеи рыхә ршьоит;
2) ишьақәнарҕәҕәоит:
- Аицлабра амҩаҧгара аграфик;
- Аицлабра иалахәу уи ахәҭақәа зегьы рыҟны рыхә ашьара ашәага-загақәа, аметодика, аҧҟарақәа, Аицлабра афиналистцәагьы убрахь иналаҵаны;
- анапхгаратә (акомандатә) хәмаррақәа рымҩаҧгара аҧҟарақәа, иара убас Аҧсны Аҳәынҭқарра аҿиара апроект ахь аҭаххарақәа.
- иаку анапхгаратә тест, хаҭалатәи аиҿцәажаәаразы ақәа, иара убас урҭ рымҩаҧгара аҧҟарақәа.
6.4. Аицлабратә комиссиа аусура еиҿыркаауеит ацхантәаҩцәа, урҭ Аицлабратә комиссиа аусура еимардоит, имҩаҧыргоит аилатәарақәа, ахәаҧшреи абжьыҭиреи рзы иқәдыргылоит Аицлабратә Комиссиа аӡбамҭақәа рыпроектқәа.
6.5. Аицлабратә Комиссиа амч аманы иҟалоит аилатәараҟны ишьақәыргылоу Аицлабратә комиссиа алахәцәа рыҟнытә ахҧа рахьтә актәи ахәҭа еиҵамкәа иалатәазар.
6.6. Аицлабратә Комиссиа азыӡбақәа аднакылоит иаарту бжьыҭирала. Азыӡба рыдкылоуп ҳәа иҧхьаӡоуп, иҟоу Аицлабратә Комиссиа алахәцәа рыбжеиҳараҩык уи азы рыбжьы рҭизар.
6.7. Аицлабратә Комиссиа азыӡбақәа еиқәыршәахоит ҧкаанҵала ишьақәыргылоу аҧҟарақәа инарықәыршәаны. Аҧкаанҵақәа рнапы рыҵарҩуеит Аицлабратә Комиссиа ацхантәаҩцәа.
7. Аицлабра Аиҿкааратә еилаки аус ацызуеи.
7.1. Аицлабра Аиҿкааратә еилакы аҧҵахоит Аицлабра ахықәкқәа рынагӡареи аҳасабтәқәа рыӡбарази.
7.2. Аиҿкааратә еилакы аҧҵахоит Аицлабра аиҿкаареи амҩаҧгареи рзы.
7.3. Аицлабра Аиҿкааратә еилакы шьақәгылоуп ахантәаҩы, амаӡанҟәыгаҩи, алахәцәеи рыла.
7.4. Аицлабра Аиҿкааратә еилакы аҧҵахоит Аҧснытәи аҳәынҭқарратә университет аспециалистцәа, Аҿартә политиказы аҳәынҭқарратә еилакы аусзуҩцәа, аексперттә уаажәларра ахаҭарнакцәа рыла.
Аицлабра Аиҿкааратә еилакы хаҭалатәи аилазаара шьақәирҕәҕәоит Аҧсны Аҳәынҭқарра Ахада.
7.5. Аицлабра Аиҿкааратә еилакы уснагӡатә хадақәаны иҟоуп:
1) Аицлабра ахәҭақәа зегьы мҩаҧысраны ианыҟоу арыцхәқәа рзы адырра аҟаҵара;
2) Аицлабра амҩаҧгараан ахәҭақәа зегьы рыҟны аметодикатәи аиҿкааратәи цхыраара аҟаҵара.
7.6. Аицлабра Аиҿкааратә еилакы иаду ауснагӡатәқәа рҳәаақәа ирҭагӡаны инанагӡоит абарҭ афункциақәа:
• Аицлабра амҩаҧгара азҧхьагәаҭа азырхиара, уи аусура аиҿкаара;
рамках возложенных задач Организационный Комитет Конкурса выполняетследующие функции:
1) иазнархиоит Аицлабра амҩаҧгара аграфик;
2) еиҿнакаауеит Аицлабра амҩаҧгара, аиааира згаз аҳамҭақәа рыҭара ацеремониа;
2) иахылаҧшуеит Аицлабра аҽалархәразы аҿахәҳәагақәа реизгара, аҭахҳәагақәа реиқәыршәареи ралаҵареи аҭаххарақәеи аҧҟарақәеи иахьынӡарықәшәо;
3) инанагӡоит Аицлабра алахәцәа ррезиумеқәа заа аус рыдулара анаҩс Аицлабратә Комиссиа алахәцәа рыҭаразы;
4) абри Аҧҟара ҭаххарақәа ирықәымшәо арезиуме аднакылаӡом;
5) Аицлабратә комиссиа аусура аиҿкаара алнаршоит;
6) Аицлбара алахәцәа Аицлабра алахәразы разхаҵара мамзаргьы ррезиуме мап шацәкыз атәы адырра рынаҭоит.
7.8. Аицлабра Аиҿкааратә Еилакы ахала ишьақәнаргылоит иара аусура аиҿкаара аҧҟара абри Аҧҟара инақәыршәаны.
7.9. Аицлабра Аиҿкааратә Еилакы Аусура аформа хаданы иҟоуп аилатәара. Аиҿкааратә еилакы аилатәара мҩаҧгахоит иара аҭахны ианыҟала.
Аиҿкааратә еилакы аилатәара азинмч амоуп ҳәа иҧхьаӡоуп Аиҿкааратә еилакы аилазаара алахәцәа рыхҧаҟнытә актәи ахәҭа еиҵамкәа иалатәазар.
7.10. Аицлабра Аиҿкааратә Еилакы алахәцәа аилатәарақәа рыҟны азҵаарақәа рыхәаҧшраан зинла еиҟароуп. Азыӡбақәа рыдыркылоит иҟоу Аиҿкааратә еилакы аилазаара алахәцәа рыҟнытә еиҳау рыбжьала. Абжьқәа анеиҟараха, Аиҿкааратә еилакы аҟны хантәаҩра зуа ибжьы еиҳа ҧыжәара аҭахоит.
7.11. Аицлабра Аиҿкааратә еилакы азыӡба еиқәыршәахоит ҧкаанҵала. Уи Аиҿкааратә еилакы аилатәараҟны Ахантәаҩи амаӡаныҟәгаҩыи рнапы аҵарҩуеит.
7.12. Аицлабра Аиҿкааратә Еилакы Ахантәаҩы имҩаҧигоит аусура аиҿкаареи аимадареи, Аиҿкааратә еилакы аилатәарақәа раан хантәаҩра иуеит, инапы рыҵаиҩуеит аилатәарақәа рыҧкаанҵақәа.
7.13. Аицлабра Аиҿкааратә еилакы алахәцәа азин рымаӡам Аицлабра аҽалархәразы.
7.14. Аицлабра Аиҿкааратә еилакы иадуп:
1) Аицлабра амҩаҧгара аграфики уи амҩаҧгаразы егьырҭ актқәеи разырхиара;
2) Аицлабра латәаратәи ахәҭақәа реиҿкаара алыршара;
3) алахәцәа зегьы еиҟараны аҭагылазаашьақәа рзаҧҵара;
4) Аицлабра амҩаҧгара арзареи аартреи ралыршара;
5) алахәҩцәа рыҟнытә ироуз имаӡоу арбагақәа рыҵәахра алыршара;
6) Аицлабра ахәҭақәа зегьы раантәи ареитинг алҵшәақәа рмырзара официалла икьыҧхьхаанӡа
.
7.14. Аицлабра Аиҿкааратә еилакы аҭакҧхықәра адуп абри Аҧҟара аилагаразы.
7.15. Аицлабра аус ацырур рылшоит аҳәынҭқарратәи ауаажәларратәи еиҿкаарақәа, хазхаҭалатәиқәа, ауаажәларратә (атехникатә, аиҿкааратә, аексперттә ма даҽакы) еиҿкаарақәа Аицлабра ацхыраарагӡатә дгылара азҭо.
8. Ахыркәшаратә ҧҟарақәа
8.1. Аиҿкааратә еилакы азин амоуп хара имгакәа Аицлабра алахәцәа рзинқәа русура раанкылара, уи азы адырра рыҭаны, абри Аҧҟара анеиларга.
8.2. Аицлабра алҵразы ҵаҵҕәқәаны иҟалар рылшоит:
1) алахәҩы Аицлабра иалҵразы иалаиҵо арзаҳал мамзаргьы латәарала имҩаҧысуа Аицлабрахь амнеира;
2) арезиуме ахарҭәаараан, атестқәа рхысраан, аинтервиу амҩаҧгараан мамзаргьы Аицлабра егьырҭ аусмҩаҧгатәқәа раан еиқәырҽаҽоу адокументқәа мамзаргьы алахәҩы ихазы ириҭо имцырку адыррақәа;
3) изныкымкәа аҽҭаҩра ихыҭҳәаау ахаҿқәа мамзаргьы ахҧатәи ахаҿқәа рырбагақәа арбаны;
4) аӡбамҭа амазаара (иқәху ма иаанкылоу убрахь иналаҵаны) мамзаргьы аусеилыргара амазаара;
5) адҵақәеи адҵақәа рынагӡара алҵшәақәеи рфото-видеоҭыхымҭақәа, аекспертцәеи ахәшьаҩцәеи русуратә материалқәа, Аицлабра адҵақәа рфотосахьақәеи рвидеоматериалқәеи Аинтернет акаҭақәа, асоциалтә каҭақәа ма иаарту аинформациа даҽа хыҵхырҭақәак рыҟны аҭаҵара, адҵақәа рматериалқәеи адҵақәа рынагӡара алҵшәақәеи, амассатә информациа ахархәагақәа рхаҭарнакцәа рыҭарагьы убрахь иналаҵаны;
6) ахәшьаратә дҵақәа раан аҵаҳәарақәа ма даҽа цхыраарак;
7)Аицлабреи уи алахәцәеи рзы имцырку, раҳаҭыр лазырҟәуа аинформациа акьыҧхьра.
8) Аицлабра Аиҿкааратә Еилакы азыҳәамҭала аинформациа ма адокументқәа рнамгаразы абри Аҧҟара апункт 5.5. аҟны иарбоу аҭагылазаашьақәа раан.
8.3. Абри Аҧҟара кьыҧхьхоит аофициалтә Саит аҟны. Аҧҟара аҧсахрақәа аналагалаха, урҭгьы Асаит аҟны икьыҧхьхоит.
Алахәҩы Аицлабра аҧхьаҟа иҽалаирхәуазар, абри Аҧҟара иалагалоу аҧсахрақәа дышрықәшаҳаҭу атәы иҳәоит.
Аҧшьы № 2
Ишьақәырҕәҕәоуп Аҧсны Аҳәынҭқарра Ахада 2020 шықәса жәабранмза «__» аҟн., № Иусҧҟала
Аҧхьагылаҩцәа ҿарацәа реицлабра «Аҧсны агәадура» Аицлабратә комиссиа
Ишьақәырҕәҕәазааит аҧхьагылаҩцәа ҿарацәа реицлабра «Аҧсны агәадура» Аицлабратә комиссиа (анаҩс – Аицлабратә комиссиа) абри аилазаараҟны:
Акаба Н.Н. – Ауаажәларратә еиҿкаара анапхгара ахантәаҩы «Аҧсны аҳәса рассоциациа» - Аицлабратә комиссиа ацхантәаҩы;
Дамениа О.Н. – директор Иавтономтәу икоммерциатәым аиҿкаара «Асоциалтә-економикатә ҭҵаарақәа рцентр» - Аицлабратә комиссиа ацхантәаҩы;
Гамисония Е.А. – Аҧснытәи аҳәынҭқарратә университет аполитологиеи асоциологиеи ркафедра аиҳабы, адоцент;
Гәарамиа А. А.- Аҧснытәи аҳәынҭқарратә университет аректор;
Џьынџьал С.Р. – Аҧсны Аҳәынҭқарра Ауаажәларратә палата алахәҩы;
Инал-иҧа А.Ш. – ауаажәларратә гәыҳалалратә еиҿкаара «Агәыҳалалратә программақәа рцентр»; член совета адиректорцәа рхеилак алахәҩы;
Кәарҷелиа Л.В. - ауаажәларратә гәыҳалалратә еиҿкаара «Агәыҳалалратә программақәа рцентр»; член совета адиректорцәа рхеилак алахәҩы;
Кәарҷия А.А. - Аҧсны Аҳәынҭқарра Ауаажәларратә палата алахәҩы;
Лагәлаа А.Иа. - ажурнал «Алашара» аредактор хада;
Сақаниа Г.В. - апоет;
Страничкин А.В. – Аҧснытәи аҳәынҭқарратә университет аекономикатә теориа акафедра аиҳабы ихаҭыҧуаҩ;
Ҳашыг И.Н. - агазеҭ «Чегемская правда» аредактор хада.
Аҧшьы № 3
Ишьақәырҕәҕәоуп Аҧсны Аҳәынҭқарра Ахада 2020 шықәса жәабранмза «__» аҟн., № Иусҧҟала
Аҧхьагылаҩцәа ҿарацәа реицлабра «Аҧсны агәадура» Аиҿкааратә еилакы
Ишьақәырҕәҕәазааит Аҧхьагылаҩцәа ҿарацәа реицлабра «Аҧсны агәадура» Аиҿкааратә еилакы (анаҩс Аиҿкааратә еилакы):
Ҭыжәба Г. Н. - Гал ақ. ақалақьтә нхамҩа анапхгара аиҳабы- Аиҿкааратә еилакы ахантәаҩы;
Акаба А.С.- Аҧснытәи аҳәынҭқарратә университет аҵара аҟәша амаӡаныҟәгаҩ хада;
Аршба Т. Т.- ауаажәларратә усзуҩы;
Багаҭелиа А. Г. - Пицунда ақ. администрациа ахада иабжьгаҩ;
Берзениа Т.В. - хаҭалатәи анаплакҩы;
Занҭария С. С. - Гәылрыҧшь араион Аизара ахантәаҩы;
Лакоиа А.С. – ауаажәларратә усзуҩы;
Макоев А. В. - Гагра араион администрациа аҿар русқәа рзы аҟәша аиҳабы ихаҭыҧуаҩ;
Ҧачлиа Т.А. – Очамчыра араион администрациа аҿари аспорти русқәа рзы аҟәша аиҳабы;
Ҳашба М. Э. - С.И. Ҷанба ихьӡ зху Аҧсуа Ҳәынҭқарратә драматә театр атруппа аиҳабы – Аиҿкааратә еилакы амаӡаныҟәгаҩ;
Цкәуа М.Н.- Афон ҿыц ақ. администрациа аҿар русқәа рзы аҟәша аиҳабы;
Цуцура В.М.- ауаажәларратә усзуҩы;
Чакриан А.С.- ИАУ «АҞӘАФОН-GSM» амониторинг азы иаку ацентр специалист .