Ахада ҿыц ишьақәыргылоу Аминистрцәа реилазаара актәи аилатәара даҭааит

Абҵарамза 20 рзы Аҧсны Аҳәынҭқарра Ахада Рауль Ҳаџьымба ҿыц ишьақәыргылоу Аминистрцәа реилазаара актәи аилатәара даҭааит.

«Хымҧада шәхы-шәыҧсы шәамеигӡа аус жәуроуп. Ҳаҧхьаҟа аус дуқәа шьҭоуп, урҭ рынагӡаразы ирацәаны аус утәуп. Ҳҿаҧхьа иқәгылоуп акыр иуадаҩу аҳасабтәқәа. Иҟаҵоу маҷӡам, аха иҟаҵатәу еиҳагьы еиҳауп. Аекономика арҿиаразы алшарақәа раҧҵара, афинанстә ҭагылазаашьа аиӷьтәра иадҳәалоу азҵаарақәа уҳәа, убас егьырҭгьы. Ҳара ҳхатәы биуџьеттә лшарақәа ирызҳарҳароуп. Ҳҳәынҭқарра арҿиаразы зегьы ҳамчқәа еибыҭаны аус ҳуроуп. Мҩамш!», - иҳәеит Ахада.

Аҳәынҭқарра Ахада иара убас Аҷыдалкаатә ҭагылазаашьақәа рзы аминистр Лев Кәыҵниа азҵаара ииҭеит ашьха ҭыҧқәа рҿы имҩаҧысуаз абылра иадҳәалоу аҭагылазаашьа инамаданы. Аҷыдалкаатә ҭагылазаашьақәа рзы аминистр Ахада изҵаара аҭак ҟаҵо, иҳәеит ҳазҭагылоу аамҭазы абылра ахьыҟалаз аҭыҧқәеи уи аанкыларазы аусбарҭа имҩаҧнагоу аусурақәеи ртәы.


Возврат к списку