Ауаажәларратә палата Амаӡаныҟәгаҩ Наҭелла Акаба лыҟнытә Рауль Ҳаџьымба Аҧсны Аҳәынҭқарра Ахада имаҵурахьы еиҭалхразы адн ыҳәалара

Аҧсны Аҳәынҭқарра Ауаажәларратә палата Амаӡаныҟәгаҩ Наҭелла Акаба Рауль Ҳаџьымба Аҧсны Аҳәынҭқарра Ахада имаҵурахьы еиҭалхра инамаданы адныҳәаларатә цҳамҭа налышьҭит.

Адныҳәалараҟны, ҷыдала, иҳәоуп:

«Ҳаҭыр зқәу Рауль Џьумка-иҧа,

АА Ауаажәларратә палата ахьӡала ишәыдысныҳәалоит АА Ахада имаҵурахьы еиҭа шәалхра.

Агәра ҳгоит шәнапы иану ауснагӡатә ҳаракқәа рынагӡара шшәылшо, аиҟарареи, ахақәиҭреи, апатриотизми, Аҧсны жәлар ракзаареи рыпринципқәа шәышрықәныҟәо.

Ишәзеиҕьаҳшьоит агәабзиара, агәамч иазгәаҭоу ахықәкқәа ралыршараҟны, ҳтәыла аизҳазыҕьара иазку аҳасабтәқәа рынагӡараҟны». 




Возврат к списку