21.07.2018
Ҧхынгәымза 21 рзы Адыгеиа Ареспублика Ахада Мураҭ Кумпилов напхгара ззиуа аделегациа официалла аҧылара мҩаҧысит Ҧсоу аӡиас ала аҳәынҭқарратә ҳәааҟны.
Адыгеиа Ареспублика аделегациа даҧылеит Аҧсны Аҳәынҭқарра Ахада Иусбарҭа Анапхгаҩы Беслан Барцыц.
Ҧхынгәымза 21 рзы Адыгеиа Ареспублика Ахада Мураҭ Кумпилов Аҧсны Аҳәынҭқарра даҭааит мышктәи аусуратә визит иманы. Мураҭ Кумпилов напхгара ззиуаз аделегациа иалахәуп Аҳәынҭқарратә Хеилак-Хасе Владимир Нарожныи, Аҧыза-министр Александр Наролин, Адыгеиа Ареспублика Ахада Иусбарҭеи Адыгеиа Ареспублика Аминистрцәа реилазаареи рнапхгаҩы Мурат Ҭҳакушинов, Агәабзиарахьчара аминистр Рустем Меретуков, Акультура аминистр Иури Аутлев, Аҵареи аҭҵаарадырреи рминистр Анзаур Керашев.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
