01.06.2022
Рашәарамза 1 азы, Аҳәыҷқәа рыхьчара жәларбжьаратәи амш аҽны Ахада Иадминистрациа Анапхгаҩы хатәгәаҧхарала Донецк амҵан Аҧснынтәи еибашьуаз Алхас Кәыҵниа иҷыдоу аоперациа анагӡараан иҭахаз Ахра Кьыркьнаӡе иҭаацәа аныҳәа рыдиныҳәалеит.
Алхас Кәыҵниа иазгәеиҭеит Ахра Кьыркьнаӡе апатриот иаша ззуҳәо шиакәыз, уи иҟаиҵаз аҳаҭыр шақәҵатәу. Аҧсны Аҳәынҭқарра Ахада Аслан Бжьаниа ихьӡала аибашьҩы иҭаацәа аплазматә телевизори адискқәа зцу ахәмаргатә мыругеи ҳамҭас ириҭеит.
Ахра Кьыркьнаӡе ҳазҭоу ашықәс мшаҧымзазы дҭахеит. Уи иҭынхеит 13 шықәса инаркны 10 мыз рҟынӡа зхыҵуа хәҩык ахшара.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
